Քիմիական պիլինգները մեծ տարածում են ստացել երիտասարդացման ծրագրերի շրջանում:

Պիլինգ բառը թարգմանվում է մաշկել: 

Պիլինգները նաև հայտնի են էքսֆոլիացիա՝ մաշկի մեռած շերտի հեռացում անվանմամբ: Շատ դեպքերում դա օգնում է լուծել բժիշկ-էսթետիստի առաջ դրված մի շարք խնդիրներ:

Արդյունքներ՝

• մաշկի հավասար գույն,
• մանր կնճիռների հեռացում,
• խոնավացում,
• մաշկի երանգի բարելավում,
• էլաստիկության բարելավում:

Պիլինգները համարվում են թթվային երիտասարդացում: Պիլինգներն ազդում են մաշկի տարբեր շերտերի վրա, թողնում են երիտասարդացման տեսանելի արդյունքներ: 

Ըստ ազդեցության տեսակի պիլինգները կարելի է բաժանել՝ մակերեսային, միջին և խորքային: 

Վերջին տեսակը երիտասարդացման ագրեսիվ մեթոդներից է: Խորհուրդ է տրվում այն իրականացնել ստացիոնար պայմաններում:

Ցուցումներ՝

• երիտասարդացում,
• պիգմենտների հեռացում,
• ակնեի և կուպերոզի բուժում։

Հակացուցումներ՝

• վարակիչ հիվանդություններ,
• բարձր ջերմություն,
• հղիություն և լակտացիայի շրջան,
• դաշտանային ցիկլ,
• տաք եղանակներ՝ արևի ակտիվ ազդեցություն,
• վահանաձև գեղձի պաթոլոգիա,
• մաշկային հիվանդություններ,
• մեխանիկական վնասվածքներ բուժվող հատվածում։ 

Տարիքային ցուցումները կախված են ակնկալվող արդյունքից:

Երիտասարդացմանն անհրաժեշտ արդյունքը ապահովվում է 30-ից հետո: Այս դեպքում մաշկը դեռ երիտասարդ է, բայց տարիքային փոփոխություններն արդեն նկատելի են դառնում: Օրինակ՝ հայտնվում են միմիկական փոքր կնճիռներ:

Մակերեսային պիլինգները նախատեսված են ավելի ցածր տարիքի համար: Դեմքի հարթեցման համար կարելի է դիմել 20-ից հետո: 

Միջամտությունը խորհուրդ ենք տալիս աշուն-ձմեռ հատվածում: Արևի ուժեղ ազդեցությունը մաշկի վրա անբարենպաստ է անդրադառնում: