Պերիոդոնտիտն ատամի արմատը ատամնաբնում պահող հյուսվածքների բորբոքումն է: Տվյալ հիվանդության առաջացման հիմնական պատճառը և՛ երեխաների, և՛ մեծահասակների մոտ կարիեսն է: Էմալի և կակղանի ախտահարումից հետո կարիեսը հասնում է նաև պերիոդոնտին՝ հարուցելով բորբոքային գործընթացներ: 

Երեխաների մոտ կարիեսը տարածվում է շատ արագ, այդ պատճառով կարևոր է հնարավորինս արագ սկսել բուժումը:

Կաթնատամների պերիոդոնտիտի խնդրին բախվելով՝ ծագում է լիովին տրամաբանական հարց՝ բուժե՞լ, թե՞ հեռացնել: 

Մեր մասնագետների բարձր պրոֆեսիոնալիզմը ժամանակակից տեխնոլոգիաների հետ միասին թույլ է տալիս բուժել նույնիսկ կաթնատամների պուլպիտի ամենաբարդ կլինիկական դեպքերը: Մեր մասնագետները նախընտրությունը տալիս են ատամի պահպանմանն այն դեպքում, երբ դա հնարավոր է:

Պերիոդոնտիտի առաջացման պատճառները՝

• Կարիես
• Վարակիչ ինֆեկցիաներ
• Ուշացած այց մանկական ստոմատոլոգին

Ինչու՞ է կարևոր ժամանակին բուժել կաթնատամների պերիոդոնտիտը:

Ժամանակին չբուժելու հետևանքով ինֆեկցիան կարող է հասնել նաև հիմնական ատամների սաղմերին, ինչով կազդի երեխայի ատամների առողջության վրա ամբողջ կյանքի ընթացքում: 

Պերիոդոնտիտի ախտանշանները՝

• Չդադարող, մղկտացող ցավ
• Ատամի նկատելի շարժունություն
• Այտերի որոշակի ուռածություն
• Բարձր ջերմություն
• Բերանի վատ հոտ

Մեր կենտրոնի ստոմատոլոգները բացառիկ դեպքերում են հեռացնում ատամը՝ ձգտելով պահպանել այն ըստ հնարավորության: 

Որ դեպքերում ենք կատարում հեռացում՝

• Եթե ատամի պինդ հյուսվածքները քայքայված են լնդի մակարդակից ներքև
• Եթե մոտակա մեկ տարվա ընթացքում ատամը փոխվելու է հիմնականով
• Եթե բորբոքումն արդեն հասել է հիմնական ատամների սաղմերին

Ավանտա նորարարական բժշկության կենտրոնում մանկական ստոմատոլոգի հետ խորհրդատվությունն անվճար է: Խորհրդատվության ժամանակ երեխայի մոտ սթրեսի մակարդակը նվազեցվում է հատուկ մոտեցումով, ծանոթությամբ խաղային հատվածում, Ռոբին ռոբոտի հետ շփումով։