Մանկական ստոմատոլոգիա

Մանկական ստոմատոլոգիան, մի շարք առանձնահատկություններով պայմանավորված, պահանջում է հատուկ մոտեցում երեխաների ատամների և բերանի խոռոչի խնդիրների լուծման ընթացքում:

Երեխային պետք է այցելության բերել ստոմատոլոգի մոտ վեց ամիսը մեկ:

Ավանտայում մանկական ստոմատոլոգիան նորարարությունների և յուրաքանչյուր երեխային անհատական մոտեցման զուգակցումն է: Հենց մեր ժամանակակից ստոմատոլոգիայի կենտրոնում առաջին անգամ գործարկվել է ռոբոտ` ատամների բուժման սեանսից առաջ երեխաների մոտ սթրեսի մակարդակի նվազեցման նպատակով:

Հաճախ տրվող հարցեր մանկական ստոմատոլոգիայում

- Ինչո՞վ է պայմանավորված մանկական ստոմատոլոգիայի առանձնացումը որպես առանձին ուղղություն:

Մանկական ստոմատոլոգի աշխատանքը տարբերվում է մեծահասկաների համար ստոմատոլոգի աշխատանքից բուժառուների մի շարք հոգեբանական և ֆիզիոլոգիական առանձնահատկություններով: Ֆիզիոլոգիական առանձնահատկությունները վերաբերում են օրգանիզմին և բերանի խոռոչին՝

- Ավելի նուրբ փափուկ հյուսվածքներ

- Ատամի հյուսվածքի ոչ բավարար միներալիզացում

- Ժամանակավոր և խառը կծվածքի առկայություն

- Յուրաքանչյուր դեպքի համար անհրաժեշտ է անհատական մոտեցում:

- Բերանի խոռոչի ո՞ր հիվանդությունն է համարվում ամենատարածվածը երեխաների մոտ:

- Այսօր ամենատարածված հիվանդությունը և՛ երեխաների, և՛ մեծահասակների մոտ կարիեսն է իր բոլոր հնարավոր բարդություններով: Կարիեսն ատամի կարծր հյուսվածքներն ախտահարող հիվանդություն է:


- Արդյո՞ք նույն ձևով է ընթանում կաթնատամների կարիեսը երեխաների ու մեծահասակների մոտ:

Կաթնատամների կարիեսը տարբերվում է որոշ առանձնահատկություններով՝

- Ընթանում է աննկատ

- Ընթացքը զարգանում է արագ

Կաթնատամների մոտ միներալիզացման ցածր աստիճանի պատճառով պաշտպանությունն արտաքին գրգռիչներից թույլ է, ինչը նպաստում է հիվանդության արագ զարգազմանը:

Այնքան սարսափելի չէ կարիեսը, որքան դրա բարդությունները: Ժամանակակից ստոմատոլոգիան թույլ է տալիս ամբողջովին ազատվել կարիեսից սկզբնական փուլերում: Այդ պատճառով կարևոր է, որպեսզի ծնողները դիմեն ստոմատոլոգին հենց նկատեն այդ հիվանդության ախտանշանները: Իսկ ավելի լավ կլինի այցելել ստոմատոլոգին երկու տարեկանից (անհրաժեշտության դեպքում՝ ավելի վաղ տարիքից) ու հետագայում վեց ամիսը մեկ պրոֆիլակտիկ այցով։

Ի՞նչը կարող է հանգեցնել կարիեսի առաջացմանը

- Ապրելակերպը
- Օրգանիզմի վիճակը
- Սննդակարգը
- Բերանի խոռոչի հիգիենան

Կա այսպիսի կարծիք, որ բերանի խոռոչն օրգանիզմի հայելին է: Եթե բերանի խոռոչում կա խնդիր, ապա վստահաբար խնդիր կա նաև օրգանիզմում: Պետք է ժամանակին բացահայտել և ձեռնարկել անհրաժեշտ քայլերը:

Ի՞նչ բարդությունների կարող է հանգեցնել կարիեսը

- Պսակի քայքայում
- Կծելու ֆունկցիայի խանգարում
- Պուլպիտ
- Պերիոդոնտիտ
- Հաճախակի բորբոքային հիվանդություններ (տոնզիլիտ և այլն)
- Ախորժակի կորուստ
- Պասիվություն պահվածքի մեջ