Ատամների սպիտակեցումը ժամանակակից ստոմատոլոգիայում ամենատարածված պրոցեդուրաներից է: Փայլուն ժպիտը որպես հաջողակության և առողջության խորհրդանշան դարձել է շատերի երազանքը անկախ տարիքից և սոցիալական գործոններից: 

Մեր ստոմատոլոգների աշխատանքի հիմնական սկզբունքն անվնաս պրոցեդուրաների և հենց ձեզ համապատասխանող մեթոդի բծախնդիր ընտրությունն է:

Ատամների գույնի փոփոխության հիմնական պատճառներն են.

• Բերանի խոռոչի ոչ կանոնավոր հիգիենան
• Ժառանգականությունը
• Ծխելը
• Թունդ թեյ խմելը
• Հաճախակի սուրճ խմելը

Ցուցումներ սպիտակեցման համար՝ 

• Էմալի գունավորում 
• Տարիքային փոփոխություններ

Հակացուցումներ՝ 

• Պարոդոնտի հիվանդություններ
• Բազմակի կարիես
• Մանկական և դեռահաս տարիք
• Որոշ ուռուցքային հիվանդություններ
• Ատամների բարձր զգայունություն (հիպերստեզիա)

Ավանտա կենտրոնում ներկայացված են ատամների սպիտակեցման ամենաարդյունավետ մեթոդները՝ 

• Օֆիսային սպիտակեցում
• Տնային սպիտակեցում
• Ներխողովակային սպիտակեցում

Սկզբնական խորհրդատվության ժամանակ ստոմատոլոգը կատարում է ատամների և լնդերի վիճակի գնահատում: Այդ փուլն անհրաժեշտ է սպիտակեցման մեթոդի ճիշտ ընտրության համար: 

Սպիտակեցումից առաջ անցկացվում է ատամների մասնագիտական մաքրում և կարիքի դեպքում՝ վերամիներալիզացնող թերապիա: 

Պրոցեդուրայի հաճախականությունը. ստացված արդյունքից հետո անհրաժեշտ է տարին մեկ անգամ իրականացնել սպիտակեցում արդյունքի պահպանման համար:

Որակավորված սպիտակեցումը թույլ է տալիս սպիտակեցնել ատամները մինչև 8-12 երանգի աստիճանով: 

Սպիտակեցումն ազդում է միայն բնական ատամների վրա: Շապիկների և պլոմբերի գույնը մնում է անփոփոխ: Սպիտակեցումից հետո դրանք փոխում են նորերով, իսկ գույնն ընտրվում է ատամների գույնին համապատասխան: