Օրթոդոնտի մոտ առաջին այցելությունը պետք է լինի դեռ 3 տարեկանում, երբ ատամնաշարը նոր է սկսում ձևավորվել:

Երկրորդ այցն անհրաժեշտ է ատամների փոխվելու շրջանում՝ 7 տարեկան հասակում: 

Երրորդ այցն օրթոդոնտին պետք է կատարել 18 տարեկան հասակում, երբ ատամների փոխարինումը հիմնականներով արդեն ավարտվել է: 

Տարբեր աստիճանի արտահայտվածությամբ կծվածքի խանգարման պաթոլոգիան հանդիպում է երեխաների 90%-ի մոտ: Երբեմն ծնողները չեն դիմում օրթոդոնտին, եթե կծվածքի խախտումը չի ազդում երեխայի արտաքին տեսքի վրա:

Երեխաների մոտ սխալ կծվածքի հետևանքները․

• Խոսքային ապարատի զարգացման դանդաղում և արտասանության խանգարում ատամների սխալ միակցման հետևանքով
• Շնչառական ֆունկցիայի խանգարում
• Կարիեսի առաջացման վտանգի բարձրացում
• Խնդիրներ մարսողության հետ որպես ոչ բավարար չափով ծամելու հետևանք

Բուժման կուրսի տևողությունը տատանվում է մեկից մինչև մի քանի տարի, ընդ որում, ինչքան վաղ տարիքում են քայլեր ձեռնարկվում, այնքան ավելի կարճ շրջան է հարկավոր կծվածքն ուղղելու համար: 

Կծվածքի ձևավորման շրջանները՝ 

• 3-6 տարեկան ՝ կաթնային, 
• 6-14 տարեկան՝ փոխվող,
• 14-24 տարեկան՝ հիմնական:

Անոմալիաներ կարելի է նկատել արդեն կծվածքի ձևավորման առաջին շրջանում: Դա առաջին անգամ օրթոդոնտին այցելելու ժամանակն է: Այդ տարիքում անհրաժեշտության դեպքում, որպես կանոն, նշանակվում է միոթերապիա: 

Երեխաների համար օրթոդոնտիկ բուժման ձևերը՝

• Ֆիզիոլոգիական
• Ապարատային
• Ամրակայվող

Կախված պաթոլոգիայի արտահայտվածության աստիճանից մասնագետն ընտրում է բուժման համապատասխան ձևը: