Պրոթեզավորումն իմպլանտատների վրա օրթոպեդիկ բուժման առկա մեթոդներից առավել առաջադեմն է: Ստոմատոլոգիական իմպլանտատը հուսալի հիմք է օրթոպեդիկ կոնստրուկցիաների համար: Դա ապացուցվել է բազմաթիվ հետազոտությունների և կլինիկական փորձերի միջոցով մի քանի տասնյակ տարիների ընթացքում: 

Շատերն «իմպլանտատ» հասկացությունն ասոցացնում են վիրաբուժական բարդ վիրահատության հետ ընդհանուր անզգայացման կիրառումով: Իրականում, իմպլանտացիան տեղային անզգայացումով անցավ, փոքր ամբուլատոր վիրահատություն է: Չնայած՝ բուժառուի ցանկության կամ որոշ ցուցումների դեպքում վիրահատությունը կարելի է անցկացնել ընդհանուր անզգայացման տակ: 

Մեթոդի բնույթը

Լորձաթաղանթում կտրվածք անելու միջոցով ոսկորի մեջ է տեղադրվում իմպլանտատը, որը ծառայելու է որպես հենարան շապիկի համար չհանվող պրոթեզի պատրաստման ժամանակ կամ որպես հիմք պրոթեզի համար փականային ամրակներ տեղադրելիս:

Իմպլանտատները պատրաստվում են կենսահամատեղելի նյութերից, ինչպիսին, օրինակ, տիտանն է: 

Իմպլանտատի արմատավորումից մինչև օրթոպեդիկ կոնստրուկցիայի ամրակայումը տևում է, սովորաբար, 3-6 ամիս: Իմպլանտացիան կատարյալ ելք է մեկ կամ մի քանի բացակայող ատամները լրացնելու համար, քանի որ դուրս է մնում հարևան ատամները տաշելու անհրաժեշտությունը: 

Եթե բացակայում են սեղանատամները, իմպլանտատն իր վրա է վերցնում հենարանային ատամի դերը, իսկ ատամների լրիվ բացակայության դեպքում, իմպլանտատների կիրառման շնորհիվ, պրոթեզի ամրակայումն ավելի հուսալի է լինում: Ատամնային զգալի թերությունների պարագայում իմպլանտատները հուսալի հենարան են ծառայում կամրջաձև պրոթեզների համար, այդպիսով դուրս է մնում հանվող պրոթեզի անհրաժեշտությունը:

Իպլանտատների օգնությամբ նույնիսկ բոլոր ատամների բացակայության դեպքում կարելի է հանվող պրոթեզ տեղադրել:

Իմպլանտացիայի և հետագա պրոթեզավորման հաջողության 99%-ը կախված է վիրաբույժ-իմպլանտոլոգի ու ստոմատոլոգ-օրթոպեդի, ատամնատեխնիկի ու հիգիենիստի համակարգված և պրոֆեսիոնալ աշխատանքից: 

Իմպլանտատների վրա պրոթեզավորման առավելությունները․

• Ատամնային իմպլանտատները գործում են ինչպես Ձեր սեփական ատամները
• Թույլ են տալիս պահպանել հարևան ատամները՝ խուսափելով դրանք տաշելուց կամրջաձև պրոթեզի համար
• Կարելի է հրաժարվել հանվող պրոթեզավորումից
• Պրոթեզի ավելի լավ ամրակայում, քանի որ իմպլանտատը ծառայում է որպես հուսալի հենարան
• Շատ խնդիրների լուծում բոլոր ատամների բացակայության դեպքում

Ավանտա կենտրոնում մենք մեծ ուշադրություն ենք դարձնում առաջնային բազմադիսցիպլինար խորհրդատվությանը, որի ժամանակ մանրամասն քննարկվում է օրգանիզմի ընդհանուր վիճակը, բերանի խոռոչի վիճակը և ստացված տեղեկության հիմքով բուժառուին ներկայացվում են բուժման հնարավոր տարբերակները՝ հաշվի առնելով նաև ֆինանսական բաղադրիչը: 

Մենք հավատարիմ ենք այն սկզբունքին, որ ցանկացած իմպլանտոլոգիական պրոցեդուրա սկսելուց առաջ բուժառուն պետք է ունենա հստակ պատկերացում բուժումից հետո կոնստրուկցիաների ֆունկցիոնալության և էսթետիկ տեսքի մասին: