Osstell ISQ-ն իմպլանտատի կայունության ռեզոնանսային հաճախության վերլուծության համար նախատեսված նորագույն սարքավորումներից է: Ախտորոշման այս տեսակը լիովին անվտանգ է բուժառուի համար:

Մեր կենտրոնում վիրաբույժ-իմպլանտոլոգները Osstell ISQ նորարարական սարքն օգտագործում են հետագա բուժումը ճշգրիտ կանխորոշելու համար:

Այն նախատեսված է ատամնային իմպլանտատների ամրակցման կայունության չափման (սահմանման) համար: Սարքը մշակվել է Շվեդիայում և լիակատար երաշխիք ունի իմպլանտոլոգիայում: 

Osstell ISQ-ի առավելությունները․

• Իմպլանտատի սերտաճման ընթացքի վերահսկում
• Օրթոպեդիկ կոնստրուկցիաների (շապիկներ և պրոթեզներ) տեղադրման լավագույն ժամկետի սահմանում
• Աշխատանքի ընթացքի իրական գնահատում

Ախտորոշումը թույլ է տալիս սահմանել իմպլանտատի սերտաճման ավարտի և մշտական ատամնաշապիկի տեղադրման համար ճշգրիտ և ամենահարմար ժամանակը: 

Առանց համապատասխան սարքավորումների հնարավոր չէ վստահորեն որոշել՝ արդյոք սերտաճել է իմպլանտատը, թե ոչ, և արդյոք կարելի է տեղադրել ատամնաշապիկը, թե դեռ վաղ է:

Osstell ISQ սարքի աշխատանքի սկզբունքները

Ախտորոշումը հիմնված է իմպլանտատի և այն շրջապատող ոսկրային հյուսվածքի էլեկտրամագնիսական տատանումների ռեզոնանսի արձանագրման մեթոդի վրա: Ինչքան ամուր է սերտաճումը, այնքան բարձր է տատանումների հաճախությունը:

Ինտեգրացիայի աստիճանը սահմանվում է 1-ից մինչև 100 սանդղակով: Ինչքան բարձր է կայունությունը, այնքան բարձր է ցուցիչը:

Սերտաճման միջին աստիճանը մոտ է 70-ին:

Կիրառման նպատակը

• Ոսկրային հյուսվածքի ամրակցման կայունության չափում

Osstell ISQ սարքը հանդիսանում է բուժման ծրագրի որակի երաշխիքի մի մաս: 

Osstell սարքի դերակատարումը՝

• Մշտական ատամնաշապիկը տեղադրելու պատրաստության ցուցիչ
• Վաղ ազդարարման միջոց
• Որակի երաշխիք