Diagnocam մանրադիտակով լազերային ախտորոշումը նորագույն և ամենաանվտանգ տեխնոլոգիան է ատամների համար: 

Diagnocam-ի աշխատելու սկզբունքի հիմքում տրանսիլյումինացիայի մեթոդն է: Ատամի առողջ հյուսվածքներն իրենց միջով անցկացնում են լույսի ճառագայթը, իսկ կարիեսային ախտահարումները՝ նույնիսկ ամենասկզբնական շրջանի, կասեցնում են այն: 

Իրական ժամանակում վարկյանական կարելի է ստանալ նկար, որտեղ կարիեսը պատկերված կլինի մգացած շերտերով՝ ինչքան մուգ է արտահայտված կարիեսային ախտահարումը, այնքան խորն է այն: 

Ախտորոշման ժամանակ բուժառուին հասանելի է ատամների վիճակի ամբողջական պատկերը:  

Diagnocam-ը երեխաների և հղիների ախտորոշման համար ամենահարմար տարբերակն է, քանի որ սարքը մի քանի անգամ ավելի բարձր զգայունության աստիճան ունի ռենտգենի համեմատ: 

Առավելություններ՝

• անցավություն,
• արագություն,
• անվնասություն,
• ճշգրիտ և հստակ արդյունք։

Ախտորոշման տևողությունն ընդամենը մի քանի րոպե է:

Մանրադիտակով ախտորոշումը հատկապես արդիական է կարիեսի հայտնաբերման և ճիշտ ժամանակին բուժման համար: Հաճախ անզեն աչքով անտեսանելի կարիեսը կարող է քայքայել ատամի մեծ մասը: Նման դեպքերից խուսափելու նպատակով մեր ստոմատոլոգները խորհուրդ են տալիս 6 ամիսը մեկ պրոֆիլակտիկ ախտորոշում անցնել:

Թվային տեխնոլոգիաների գործածումը բուժման արդյունքը կանխատեսելի և երաշխավորված է դարձնում: Ստացված տվյալների հիման վրա ստոմատոլոգը մշակում է բուժման պլանը:

Ախտորոշման տվյալ տեսակը հակացուցումներ չունի: