Դեմքի ուրվագծային պլաստիկա

Ուրվագծային պլաստիկան ֆիլերներով իրականացվող դեմքի լիֆթինգ է: Իրականացվում է ոչ վիրահատական ճանապարհով: Այս նորարարական մեթոդը հաշված րոպեների ընթացքում երիտասարդացնում է դեմքը 5 և ավելի տարով: 

Ֆիլերները ներարկային նյութեր են: Նախատեսված են մաշկի թերությունները վերացնելու համար:

Արդյունքը

Դեմքի հստակ ձև և արտահայտված ուրվագիծ:  Կնճիռների հարթեցում:

Ասեղները նորագույն մեթոդով ներարկում են տարիքային փոփոխություններով պայմանավորված ծավալի կորստի հատվածներում և այսպես կոչված ստվերային գոտիներում: 

Առավելություններ.

•  չկա վերականգնողական շրջան,
•  վայրկյանական և տևական ազդեցություն,
•  չի պահանջում փոխել կյանքի սովորական ռիթմը,
•  հարմար է մաշկի տարբեր տեսակների համար: 

Ցուցումներ՝

•   դեմքի և պարանոցի փափուկ հյուսվածքների գրավիտացիոն պտոզ (իջեցում),
•   դեմքի մաշկի երանգի վերականգնում,
•   դեմքի ձևի բարելավում,
•   խորը կնճիռներ և ծալքեր:

Հակացուցումներ՝

•   հղիություն և լակտացիայի շրջան,
•   բորբոքումներ դեմքի վրա ներարկման գոտիներում,
•   սիլիկոնային ֆիլերների առկայություն,
•   արյան շրջանառության խանգարում,
•   մի շարք աուտոիմունային հիվանդություններ:

 Նյութի ի՞նչ քանակություն է օգտագործվում:

Երբեմն օգտագործվում է 1 մլ: Հաճախ շատ այցելուների կարող է անհրաժեշտ լինել  2-4, երբեմն էլ՝ 5 մլ ֆիլեր: 

Տևողությունը՝ 30-50 րոպե:

Ցավազրկում՝

Ներարկումային ինֆիլտրացիոն կամ ապլիկացիոն մեթոդ:

Ազդեցության տևողությունը՝

Մոտ 1 տարի:

Չնայած ֆիլերների օգտագործման ժամանակակից ծավալային մոտեցմանը՝ հաճախ այցելուները դիմում են նաև այնպիսի խնդիրների լուծման համար, ինչպիսիք են՝

•   քիթ-շրթնային ծալքեր,
•   բերանի իջեցված անկյունների բարձրացում,
•   տխրության կնճիռներ,
•   շրթունքների տարիքային փոփոխությունների վերացում,
•   այտոսկրերի ձևավորում,
•   քթի ձևի շտկում,
•   քթի ծայրի բարձրացում, 
•   հոնքերի բարձրացում,
•   կզակի կառուցվածքի շտկում,
•   ստորին ծնոտի անկյան ձևավորում,
•   ստորին ծնոտի հավասարեցում,
•   միմիկական կնճիռների շտկում,
•   պարանոցի հորիզոնական կնճիռների վերացում,
•   քունքերի խոռոչների շտկում:

Էսթետիկ բժշկության մեջ ֆիլերներն իրավամբ բեկումնային առաջընթաց են համարվում: Կախված առաջադրանքից, ֆիլերային ներարկման օգնությամբ լուծում ենք տարիքային և էսթետիկ բնույթի խնդիրներ: Այդ թվում՝ շուրթերի ծավալի և ձևի, կզակի շտկում: Նաև դեմքի ընդհանուր մոդելավորում: